خاران (ھمگام نیوز) اطلاعات کے مطابق گزشتہ رات 3 بجے پاکستانی فورسز اور خفیہ اداروں نے خاران شہر میں کبدانی محلہ کے نزد ٹینکی والا قبرستان ایریا میں عمران کبدانی ولد کریم بخش کبدانی کے گھر پر چھاپہ مار کر عمران کبدانی کو حراست میں لینے کے بعد لاپتہ کردیا۔
یاد رہے کہ خاران میں 19 مارچ کو ایف سی چوکی پر ہونے والے حملے کے بعد فورسز کی جانب سے آپریشن اور چھاپوں کا سلسلہ تاحال جاری ہے۔ فورسز نے اب تک کئی نہتے نوجوانوں کو لاپتہ کردیا ہے جن میں ایک شخص قدرت اللہ ولد محمد وارث کی لاپتہ ہونے کی تصدیق ہوئی ہے جو ابھی تک لاپتہ ہے۔
