خضدار، ٹریفک حادثے کے نتیجے میں ایک شخص جانبحق 14 زخمی

 کوئٹہ(ہمگام نیوز)خضدار میں مسافر گاڑی موڑ کاٹتے ہوئے بے قابو ہو کرالٹ گئی، ایک شخص جاں بحق 14زخمی ، زخمیوں میں بچے اور خواتین بھی شامل ، مسافر گاڑی کراچی سے کوئٹہ جارہی تھی ۔ ایدھی ایمبولینس کے ذریعے زخمیوں کو ٹیچنگ ہسپتال خضدار پہنچایا گیا ۔ تفصیلات کے مطابق بدھ کی اعلیٰ الصبح خضدار سے چالیس کلومیٹر مسافت پر کورک کے قریب موڑ کاٹتے ہوئے مسافرکوچ گاڑی کھائی میں جا گری ۔ جس کے نتیجے میں ایک شخص جاں بحق اور 14زخمی ہوگئے ۔ جاں بحق شخص کی نعش ایدھی رضاکاروں نے خضدار سے کرین گاڑی منگواکر مسافر کوچ سے نکال لی ۔ جاں بحق اور زخمیوں کو ایدھی ایمبولینس کے ذریعے ٹیچنگ ہسپتال خضدا رپہنچایا گیا ۔مسافروں میں احسان اللہ ساکن غریب آباد پشین جاں بحق ہوگیا جب کہ راحت شاہ ولد نادر خان کوئٹہ ،محمد جمیل کوئٹہ بی بی ضیاء زوجہ محمد جمیل کوئٹہ تسنیم بنت عبدالحفیظ کوئٹہ عزیز احمد ولد کمال شاہ کوئٹہ محمد اسماعیل ولد عبدالرحیم اچکزئی کوئٹہ پری گل بنت احسان اللہ کوئٹہ نجیب اللہ ولد صاحب خاتون کوئٹہ مبشر ولد محمد انور کوئٹہ عبدالنبی ولد احمد گل کوئٹہ صلاح الدین ولد محمدبخش کوئٹہ طورگل ولد گل خان کوئٹہ اور حبیب اللہ ولد ظاہر خان کوئٹہ زخمی ہوگئے ۔ زخمیوں کو ابتدائی طبی امداد کے بعد کوئٹہ روانہ کردیا گیا ۔ زخمیوں کو ریسکو کے لئے موقع پر صرف ایدھی ایمبولینس کی گاڑیاں اور رضاکار موقع پر پہنچ گئے