لاہور (ہمگام نیوز) رحیم یار خان میں کچے کے علاقے میں ڈاکوؤں کا پولیس کی گاڑیوں پر راکٹوں سے حملہ، 11 اہلکار ہلاک ہوگئے جہاں پولیس کی 2 گاڑیوں پر ڈاکوؤں نے راکٹوں سے حملہ کیا۔
پولیس کے مطابق ڈاکوؤں نے کچے کے علاقے ماچھکہ میں پولیس کی 2 گاڑیوں پر حملہ کیا۔ دونوں پولیس موبائل بارش کے پانی میں پھنس گئی تھیں۔ ڈاکوؤں نے راکٹ لانچروں سے پولیس پر حملہ کردیا۔
گھوٹکی پولیس کے مطابق ڈاکوؤں کے حملے میں 11 پولیس اہلکار ہلاک اور 7 زخمی ہوگئے، جب کہ 4 لاپتہ ہیں۔ حملے کے بعد رحیم یار خان پولیس نے بھاری نفری علاقے میں طلب کرلی ہے۔
