ڈیرہ مراد جمالی (ہمگام نیوز)مقبوضہ بلوچستان کے علاقہ ڈیرہ مراد جمالی میں سانحہ صحبت پور کے خلاف سیاسی جماعتوں ہیومن رائٹس، صحافیوں، سول سوسائٹی اور سینکڑوں شہریوں نے احتجاجی دھرنا دیتے ہوئے واقعے میں ملوث ملزمان کی فوری گرفتری کا مطالبہ کردیا۔
دھرنے کے باعث سندھ پنجاب اور اندرون بلوچستان چلنے والی ٹریفک کئی گھنٹوں تک جام رہی۔
مقررین نے احتجاجی ریلی صحبت چوک مین بازار ڈی چوک پر جمع ہوکر جلسے کی شکل اختیار کرلی۔
مقررین نے واقع کو انسانیت سوز بربیت سفاکی قرار دیا اور کہا جاگیرادروں کی آپس کی دشمنیوں میں نہتے بے قصور کسانوں کا قتل کیا جارہا ہے۔
انہوں نے کہاکہ ایسا ظلم اور سفاکی تاریخ میں نہیں ملتی، جہاں گولیاں مار کر قتل کرنے اور پھر زندہ بچوں کوآگ لگا کر جلانا قیامت صغریٰ سے کم نہیں ہے ایک خاندان کے سات افراد کا بے رحمانہ قتل کسی بڑے سانحہ سے کم نہیں ہے۔
انھوں نے کہا کہ مقتولین کی نعشوں کیلے ایمبولینس نہ دینا اور ٹریکٹر ٹرالی کے ذریعے میتوں کو لے جانا مقتول خاندان کے ساتھ ظلم کی بدترین مثال ہے جسکی جتنی مذمت کی جائے وہ کم ہے ۔
مقررین نے پولیس کے بھی کردار کو افسوس ناک جانبدارانہ قرار دیا اور کہا کہ پولیس بروقت اور فوری کاروائی کرتی تو ملزمان اب قانوں کے شکنجے میں ہوتے مگر پولیس نے اپنی ڈیوٹی صحیح معنوں میں سرانجام نہیں دی جس سے ملزمان فرار ہو گئے۔
انہوں نے واقع میں ملوٹ افراد کو گرفتار کرنے اور پولیس کی جانب سے غفلت برتنے والے پولیس افسران کے خلاف محکمانہ کارروائی کا مطالبہ کیا ۔
