شال ( ہمگام نیوز) مقبوضہ بلوچستان کے مرکزی شہر شال قمبرانی روڈ پر گزشتہ رات مسلح افراد کے ہاتھوں قتل ہونے والے جنید کرد کے لواحقین نے لاش سرباب روڈ جامعہ بلوچستان چوک پر رکھ کراحتجاج شروع کردیا ہے۔
لواحقین کا کہنا ہے جنیدکرد خاندان کا تیسرا شخص ہے جسے قتل کیاگیا ہے، اس سے پہلے ہمارے خاندان کے دو افراد قتل ہوچکے ہیں ، مگر ملزمان گرفتار ہو رہے ہیں نہ ہی ایف آئی آر درج کیا جارہاہے۔
لواحقین نے کہاہےکہ ہمیں انصاف فراہم کیا جائے،گزشتہ رات سے احتجاج پر بزرگ، خواتین اور بچے کثیر تعداد میں شریک ہیں مگر ان کا درد سننے کیلے کوئی ذمہداری انتظامی شخص کے پاس وقت ہی نہیں ہے۔
