واشنگٹن:(ہمگام نیوز) امریکی صدر جو بائیڈن نے اسرائیل پر قابض ایران کے حالیہ حملوں کے پیش نظر امریکی افواج کو حکم دیا ہے کہ ایران کی طرف سے کیے گئے میزائل اور ڈرون حملوں کا مقابلہ کیا جائے۔ وائٹ ہاؤس کے مطابق، امریکہ اسرائیل کی دفاعی مدد فراہم کر رہا ہے اور صدر بائیڈن نے کہا ہے کہ امریکہ اسرائیل کے ساتھ کھڑا ہے۔ اس سلسلے میں امریکی فوج کو حکم دیا گیا ہے کہ وہ ایران کی طرف سے داغے جانے والے میزائلوں کو مار گرانے میں اسرائیل کی مدد کرے۔
ایران نے تل ابیب پر متعدد بیلسٹک میزائل داغے، جس کے بعد اسرائیل نے جوابی کارروائی کی دھمکی دی ہے۔ ان حملوں کو ایران نے فلسطینی رہنما اسماعیل ہنیہ اور حزب اللہ کے رہنما حسن نصر اللہ کے قتل کا بدلہ قرار دیا ہے۔
مزید یہ کہ صدر بائیڈن نے خطے میں امریکی اہلکاروں کی حفاظت کے لیے بھی تمام ضروری اقدامات کرنے کا اعلان کیا ہے۔
