کوئٹہ (ہمگام نیوز) بلوچ نیشنل موومنٹ کے چیئرمین خلیل بلوچ نے اپنے ایک بیان میں کہا ہے کہ پارٹی کی مرکزی کمیٹی کے خالی نشست پرسینئرکارکن ظفربلوچ کو منتخب کیاگیا ہے۔
انہوں نے کہا ظفر بلوچ پارٹی کے سینئر اور محنتی کارکن ہیں،انتہائی نامساعد و مشکل حالات میں وہ اپنا فریضہ نہایت ایمانداری اورخوش اسلوبی سے سرانجام دیتے آئے ہیں ۔ پارٹی پروگرام کی کامیابی کے لئے ان کے خدمات نمایاں ہیں اورپارٹی کے مرکزی کمیٹی کے خالی نشست پر منتخب ہوکر وہ پارٹی پروگرام اور قومی تحریک میں اپنا حصہ مزید بہترانداز میں ادا کرسکتے ہیں۔
خلیل بلوچ نے کہا کہ امید ہے کہ ظفربلوچ بطورممبر سینٹرل کمیٹی پارٹی فعالیت کے لئے سرگرم کردار ادا کریں گے۔
