یروشلم( ہمگام نیوز) مانیٹرنگ نیوز ڈیسک رپورٹ کے مطابق ایک فلسطینی شخص کی فائرنگ کے نتیجے میں ایک اسرائیلی ہلاک جبکہ چار دیگر زخمی ہو گئے ہیں۔ جوابی فائرنگ میں یہ فلسطینی بھی مارا گیا۔ اسرائیلی پولیس کے مطابق فائرنگ کا یہ واقعہ بیت المقدس کے داخلی راستے کے قریب پیش آیا۔ پولیس کی طرف سے جاری ہونے والے ایک بیان کے مطابق ایک ہلکی مشین گن سے مسلح ایک دہشت گرد نے قدیم شہر میں فائرنگ کی۔ فائرنگ کے نتیجے میں مرنے والا شخص ایک سویلین تھا۔ پولیس کے مطابق معمولی زخمی ہونے والوں میں دو پولیس اہلکار بھی شامل ہیں۔ حملہ آور کی شناخت مشرقی یروشلم کے ایک رہائشی کے طور پر کی گئی ہے۔
