افغان طالبان نے19اپریل دوحہ مزاکرات میں شامل ہونے سے انکار کردیا

قطر(ہمگام نیوزڈیسک) افغانستان میں امن کی امریکی کوششوں کو ایک دھچکا پہنچا ہے، امریکا، افغان حکومت اور افغان طالبان کے درمیان ہونے والے دوحہ مذاکرات آخری لمحات پر منسوخ کردیئے گئے۔ افغان طالبان اور افغان حکام پہلی بار ایک میز پر بیٹھنے جارہے تھے مگر افغانستان حکومت کی جانب سے طالبان سے مذاکرات کرنے والے وفد کی فہرست میں 250 افراد کثیر تعداد میں شامل کیے تھے۔طالبان نے قطر میں مذاکرات کے لیے افغان حکومت کی طرف سے ملنے والی طویل فہرست کو تنقید کا نشانہ بناتے ہوئے کہا تھا کہ یہ کانفرنس ہے شادی کا ولیمہ نہیں ہورہا اور وفد پر کڑی تنقید کرتے ہوئے ساتھ بیٹھنے سے انکار کردیا۔ واضح رہے کہ مذاکرات 19 سے 21 اپریل تک قطر میں کیے جانے تھے جن میں افغانستان میں پائیدار قیام امن سے متعلق امور پر بات کی جانی تھی۔