لندن (ھمگام نیوز) بلوچ راجدوستیں رھشون ءُ آجوئی بلوچستان جُنز (ایف بی ایم) ءِ سرکماش واجہ ھیر بیار مری ءَ وتی دلپدردی درشان ایکس (ٹوئیٹر) ءِ تہ ءَ نبشتہ کرتگ ءُ گْوشتگ کہ انوگیں اھد ءَ مبارک کازی بلوچ آجوئی جُنز ءِ تہ ءَ چہ نامداریں شائراں یکّے اَت۔ آئی ءَ وتی زندمان ءِ گُڈّی روچاں تاں شائری ءِ وسیلہ بلوچ آجوئی ءِ جنز ءَ را جُنزگ داتگ۔
آئی ءَ کدی ھم باجوئی (ہار) نہ من اِت، پرچے کہ آئی ءَ را بلوچستان ءِ آجوئی ءِ سر ءَ بیسہ ھست اَت۔
آئی ءَ ایردستی ءَ را یک اُزرے ءِ بستار ءَ نہ من اِتگ، آئی ءِ شائری بلوچ راج ءِ آیوکیں پدریچ ءَ را جُنزگ دنت، آئی ءِ کھول ءِ مردمانی گماں پہ دل شَریدار آں۔
