تربت /تمپ(ہمگام نیوز) مند کے علاقے بلو میں پاکستانی فورسز اور پولنگ اسٹیشن پر حملہ۔ تفصیلات کے مطابق مند کے علاقے بلو میں نامعلوم مسلح افراد نے منگل کی صبح پاکستانی فورسز کے قافلے کو اس وقت نشانہ بنانے کی کوشش کی جب وہ حلقہ پی بی 50کی سیکیورٹی کے لیئے پولنگ اسٹیشن کی طرف جارہے تھے جبکہ شام 3بجے کے قریب اسی پولنگ اسٹیشن پر نامعلوم سمت سے ایک راکٹ فائر کیاگیا جو قریب ہی گر کر زور دار دہماکہ سے پھٹ گیا تاہم کوئی نقصان نہ ہوا۔
ادھر دشت کے علاقے مچات میں بھی نامعلوم افراد کی جانب سے پولنگ اسٹیشن کے قریب فائرنگ کی اطلاعات ملی ہیں جہاں پرپاکستانی فورسز کے اہلکار ری پولنگ کے سلسلے میں موجود تھے تاہم دونوں واقعات میں نقصان کی اطلاع نہیں ملیں۔شام کو بلو میں مسلح افراد نے نیشنل پارٹی کے کارکن سخی داد دشتی کی گاڈی پر فائرنگ کی جس سے ان کا گن مین زخمی ہوگیا تاہم وہ اور دیگر افراد محفوظ رہے۔
