شال (ہمگام نیوز) بی ایل اے کے ترجمان آزاد بلوچ نے کہا ہے کہ ہمارے سرمچاروں نے بولان کے علاقے مچھ میں فورسز کی گاڑی کو ریموٹ کنٹرول بم حملے میں نشانہ بنایا جس کے نتیجے میں ایک اہلکار زخمی ہوگیا۔ حملے کا نشانہ مقامی لیویز فورس کا وہ ٹولہ تھا جو پاکستانی فوج کی ایماء پر علاقے میں قومی تحریک کے خلاف سرگرمیوں میں ملوث ہے۔
21 مارچ کو بی ایل اے کے سرمچاروں نے منگچر میں ملنگزئی کے مقام سے ضیاء لانگو کے ایک نجی محافظ کو گرفتار کرکے اس کا اسلحہ ضبط کرلیا اور تنبیہ کرنے کے بعد اسے چھوڑ دیا۔ ضیاء لانگو ہمیشہ سے بلوچ قوم دشمنی میں شاہ سے زیادہ شاہ کا وفادار رہا ہے اور اسے وزارتیں اور مراعات اسی غیرمعمولی وفاداری کے اعوض نوازے گئے ہیں۔ بی ایل اے تنبیہ کرتی ہے کہ اگر ضیاء لانگو اپنے مسلح جتوں کے ہمراہ قوم و تحریک دشمنی سے باز نہیں آتے تو ان کے خلاف آنے والے وقت میں مزید سخت اقدامات لیے جائیں گے۔
