مکران کوسٹل ہائی وے پر ٹریفک حادثہ، ایک شخص جاں بحق
پسنی (ہمگام نیوز)اطلاعات کے مطابق اورماڑہ مکران کوسٹل ہائی وے پر کرولا گاڑی کی ٹکر سے موٹر سائیکل سوار جاں بحق ہوگئے ۔
تفصیلات کے مطابق پولیس ذرائع کا کہنا ہے مکران کوسٹل ہائی وے پر ہڈ گوٹھ کے قریب موٹر سائیکل سوار سڑک پر چڑھ رہا تھا کہ کار گاڑی نے اسے کچل ڈالا جس کے نتیجے میں موٹر سائیکل واہگ ولد عبدل سکنہ گزی لین اورماڑہ موقع پر جاں بحق ہو گیا ،
کوسٹل ہائی وے پولیس نے لاش کو اورماڑہ درمان جاہ منتقل کر دیا اور گاڑی ڈرائیور کو مزید کاروائی کے لیے صدر تھانہ پولیس کے حوالے کر دیا۔
