تھائی لینڈ(ہمگام نیوز)میانمار اور تھائی لینڈ میں آنے والے تباہ کن زلزلے سے ہلاکتوں کی تعداد 1600 سے تجاوز کر گئی ہے ، جبکہ بڑی بڑی عمارتیں ملبے کا ڈھیر بن گئی ہیں۔
جمعے کو تھائی لینڈ اور میانمار میں آنے والے زلزلے کی شدت 7.7 ریکارڈ کی گئی ہے جس کی گہرائی صرف دس کلومیٹر تھی۔
فرانسیسی نیوز ایجنسی اے ایف پی کے مطابق میانمار کی حکومت کا کہنا ہے کہ ہلاکتوں کی تعداد 1644 ہو گئی ہے، 3408 زخمی ہیں، جبکہ 139 افراد تاحال لاپتا ہیں۔
میانمار کی حکومت نے جاری بیان میں کہا ہے کہ ’سڑکوں، پلوں اور عمارتوں کو نقصان پہنچا ہے جس کی وجہ سے شہری ہلاک اور زخمی ہوئے ہیں۔ اس وقت متاثرہ علاقوں میں امدادی سرگرمیاں جاری ہیں۔‘
دوسری جانب تھائی لینڈ کے حکام نے ہلاکتوں کی تعداد نو بتائی ہے جبکہ 101 افراد تاحال لاپتہ ہیں جن میں سے اکثریت ان مزدوروں کی ہے جو ایک گرنے والی عمارت کے ملبے میں دبے ہوئے ہیں۔
بی بی سی کے رپورٹ کے مطابق تھائی لینڈ میں زلزلہ میں
مرنے والوں کی تعداد 15 ہزار سے بھی زیادہ ہے ۔
روئٹرز نے اپنی رپورٹ میں ان سانئنسی نکات کی نشاندہی کی ہے جن کی وجہ سے یہ علاقہ جھٹکوں کی زد میں آیا اور مجموعی طور پر نقصان بھی زیادہ ہوا۔میانمار کی فوجی حکومت کے سربراہ جنرل من آنگ ہلاینگ نے ہلاکتوں اور زخمیوں کی تعداد بڑھنے کے حوالے سے خبردار کیا ہے اور دیگر ممالک سے مدد کی درخواست کی ہے۔
