ڈھاکہ ( ہمگام نیوز ) میانمار میں سمندری طوفان موچا نے تباہی مچادی ہے اب تک ہلاکتوں کی تعداد سینکڑوں تک جا پہنچی ہے۔
سمندر سے آنے والی طوفان موچا نے میانمار اور بنگلا دیش میں تباہی مچادی ہے ۔ میانمار حکومت کے مطابق 400 افراد ہلاک ہوچکے ہیں۔درجنوں لاپتہ ہیں، اموات میں اضافے کا خدشہ ہے۔
عالمی میڈیا رپورٹس کے مطابق طاقتور ترین سائیکلون موچا اتوار کو میانمار کی ساحلی پٹی سے ٹکرایا، سیکڑوں گھر اور مہاجرین کیمپ ملیا میٹ ہوگئے، درخت اکھڑ گئے، بجلی اور ٹیلیفون کے پول گر گئے، مواصلات کا نظام درہم برہم ہوگیا۔
رپورٹ کے مطابق سمندری طوفان کے باعث ہزاروں لوگ بے گھر ہوگئے، سب سے زیادہ متاثر روہنگیا مسلمانوں کی ریاست رخائن ہوئی، ریسکیو ٹیمیں امدادی کاموں میں مصروف ہیں۔
میانمار حکومت کے مطابق اب تک 400 سے زائد افراد ہلاک ہوچکے جبکہ درجنوں لاپتہ ہیں، اموات میں اضافے کا خدشہ ہے۔ جبکہ بنگلہ دیش میں اب تک 5 افراد کی ہلاکت رپورٹ کی گئی ہے ۔
