کراچی (ہمگام نیوز) اطلاعات کے مطابق پاکستان بھر میں بجلی کا بڑا بریک ڈاؤن، پورا ملک اندھیرے میں ڈوب گیا۔
تفصیلات کے مطابق کراچی، لاہور، اسلام آباد، راولپنڈی، کوئٹہ سمیت پشاور اور دوسرے تمام چھوٹے بڑے شہر جو نیشنل گرڈ سے منسلک ہیں اس شدید بریک ڈاؤن سے متاثر ہوئے ہیں۔
اس حوالے سے متضاد اطلاعات سامنے آرہی ہیں تاہم حتمی طور پر اس حوالے سے کوئی مصدقہ اطلاع سامنے نہیں آئی۔ کچھ اطلاعات کے مطابق مقبوضہ بلوچستان کے علاقے نصیر آباد میں ٹرانسمیشن لائن پر ایک حملہ ہوا ہے جس کی وجہ سے نیشنل گرڈ کا پورا نظام بیٹھ گیا ہے تاہم اس حوالے سے اب تک کوئی تصدیق شُدہ تفصیلات سامنے نہ آسکیں۔
