اسرائیل(ہمگام نیوز) اسرائیلی وزارت خارجہ کے جنرل مینیجر ایلون یوشپز نے کہا ہے کہ پاکستان منافقت کی بہترین مثال ہے أس نے پاکستان پر تنقید کرتے ہوئے پاکستان کی توجہ اپنے ملک میں انسانی حقوق کی صورتحال کی جانب مبذول کروائی ہے، مینیجر ایلون یوشپز نے کہا کہ پاکستان اپنے ملک میں انسانی حقوق کی صورتحال پر توجہ دے۔
انہوں نے اپنے ایک حالیہ ٹویٹ میں لکھا ہے کہ انسانی حقوق کا چیمپیئن پاکستان جو عملی طور پر شیشے کے محل میں رہتا ہے مشرق وسطیٰ کی واحد جمہوریت اسرائیل کو اقوام متحدہ کے انسانی حقوق کمیشن کے خصوصی سیشن میں انسانی حقوق کی تبلیغ کر رہا ہے۔ یہ منافقت کی بہترین مثال ہے، اپنے اس طنزیہ ٹویٹ کے ساتھ ایلون یوشپز نے امریکی محکمہ خارجہ کی جانب سے سنہ 2020 میں جاری کردہ ایک رپورٹ کا لنک بھی شئیر کیا ہے یہ رپورٹ پاکستان میں انسانی حقوق کی صورتحال سے متعلق ہے جس میں امریکی محکمہ خارجہ کی جانب سے پاکستان میں انسانی حقوق کی صورتحال پر شدید تشویش کا اظہار کیا گیا ہے۔
اسرائیلی وزارت خارجہ کے اعلیٰ اہلکار کی جانب سے یہ ٹویٹ پاکستانی وزارت خارجہ کے ایک اعلامیے کے پس منظر میں کی گئی ہے
اور ایلون یوشپز کی اس تنقیدی ٹویٹ کو اسرائیل کی وزرات خارجہ کے آفیشل ٹوئٹر ہینڈل سے ری ٹویٹ بھی کیا گیا ہے۔
یاد رہے سنہ 2020 میں امریکی محکمہ خارجہ کی جانب سے پاکستان میں انسانی حقوق کی پامالیوں کے خلاف ورزیوں پر ایک رپورٹ شائع کیا گیا تھا جس میں امریکی وزارت خارجہ نے پاکستان میں انسانی حقوق کی پامالیوں پر انتہائی تشویش کا اظہار کیا تھا اور پاکستان کو انسانوں کے لیے ایک آئی رسکی ملک قرار دیا تھا۔
