پشاور (ہمگام نیوز ) آمدہ اطلاعات کے مطابق پختونخواہ کے شہر پشاور بم دھماکے سے لرز اٹھا، دھماکہ کارخانو کے علاقے میں واقع چیک پوسٹ پر ہوا، 9 زخمی افراد کو انتہائی تشویش ناک حالت میں حیات آباد میڈیکل کمپلیکس منتقل کر دیا گیا۔
تفصیلات کے مطابق خیبرپختونخواہ کےدارالحکومت پشاور سے تشویش ناک خبر موصول ہوئی ہے۔
میڈیارپورٹس کے مطابق پشاور کے مشہور اور مصروف ترین علاقے کارخانو میں دھماکہ ہوا ہے۔ دھماکہ علاقے میں واقع پولیس چیک پوسٹ پر ہوا۔
پولیس کی جانب سے بتایا گیا ہے کہ دھماکے کی نوعیت معلوم کرنے کی کوشش کی جا رہی ہے۔ دھماکے کے باعث کل 9 افراد شدید زخمی ہوئے ہیں جن میں خواتین بھی شامل ہیں۔ زخمیوں کو ہنگامی طور پر حیات آباد میڈیکل کمپلیکس میں منتقل کر دیا گیا ہے۔ جبکہ پولیس اور دیگر فورسز نے واقعے کے فوری بعد پشاور جمرود روڈ کو عام ٹریفک کیلئے بند کر دیا ہے۔ علاقے میں سرچ آپریشن بھی شروع کر دیا گیا ہے بتایا جارہا ہے کہ ہسپتال منتقل کیے گئے زخمیوں کی حالت تشیش ناک ہے۔
ریسکیو ٹیموں نے زخمیوں کو حیات آباد میڈیکل کمپلیکس منتقل کیا جس کے ترجمان نے کہا کہ 9 زخمیوں کو لایا جن میں 5 خواتین اور 4 مرد شامل ہیں۔ ان کا کہنا تھا کہ زخمیوں میں سے 2 خواتین کی حالت نازک ہے۔
