پشین:( ہمگام نیوز) اطلاع کے مطابق پشین کلی شادیزئی سیدان کے قریب آسمانی بجلی گرنے سے دو افراد جاں بحق ہوگئے۔
تفصیلات کے مطابق جاں بحق ہونیوالے افراد میں ایک بچہ بھی شامل ہے ، جاں بحق افراد چچا اور بھتیجا بتائے جاتے ہیں۔ ذرائع انتظامیہ کا کہنا ہے کہ آسمانی بجلی گرنے سے 25 بھیڑیں بھی ہلاک ہوگئیں ۔ دوسری جانب مقبو ضہ بلوچستان کے بیشتر اضلاع میں طوفانی بارشوں کا سلسلہ جاری ہے، جس کی وجہ سے نشیبی علاقے زیر آب آگئے ہیں۔
محکمہ موسمیات کے مطابق بارشوں کا سلسلہ آئندہ 48 گھنٹوں تک جاری رہے گا۔
