پنجگور، وشبود چاکر آباد میں گاڑی پر فائرنگ سے دو خواتین زخمی

 پنجگور (ہمگام نیوز ) وشبود چاکر آباد میں گاڑی پر فائرنگ سے دو خواتین زخمی ہوگئے تفصیلات کے مطابق پنجگور سے کوئٹہ جانے والی پیک اپ گاڑی پر وشبود چاکر آباد میں نامعلوم افراد نے فائرنگ کر دی جس کے نتیجے میں دو خواتین مسمات ص زوجہ طیب اور مسمات م بنت مہراللہ زخمی ہوگئے پولیس کے مطابق فائرنگ کا یہ واقعہ اتوار علی الصبح تین بجے کے قریب پیش آیا تھا گاڑی میں سوار افراد ایک مریضہ کے ہمراہ تھے جنہیں ڈلیوری کی غرض سے پنجگور سے کوئٹہ منتقل کیا جارہا تھا پولیس نے واقعے کی رپورٹ درج کر کے تفتیش شروع کردی ہے پولیس کے مطابق زخمی خواتین کا تعلق پنجگور کے علاقے سراوان سے ہے ۔