کراچی (ہمگام نیوز) کراچی پولیس نے جمعہ کے روز کہا کہ انہوں نے گزشتہ رات بگٹی قبیلے کے ارکان کے درمیان فائرنگ کے تبادلے میں پانچ افراد کی ہلاکت اور دو کے شدید زخمی ہونے کے بعد اب تک 17 مشتبہ افراد کو گرفتار کیا ہے۔
فہد احمد نواز بگٹی اور علی حیدر بگٹی کی قیادت میں دو گروپوں کے درمیان جمعرات کی رات ڈیفنس ہاؤسنگ اتھارٹی (DHA) خیابان نشاط میں ان کی رہائش گاہ کے قریب فائرنگ کا تبادلہ ہوا۔
اس تصادم کے نتیجے میں 50 سالہ فہد جو کہ نواب اکبر خان بگٹی کا بھتیجا تھا، مارا گیا جب کہ علی حیدر جو کہ بگٹی سردار کا ماموں بھتیجا بھی تھا، زخمی ہوا۔
