ٹورنٹو:(ہمگام نیوز) کینیڈین پولیس نے کہا ہے کہ ایک چوتھے شخص کو گزشتہ سال سکھ علیحدگی پسند رہنما ہردیپ سنگھ نجار کے قتل کے الزام میں گرفتار کیا گیا ہے۔
کینیڈین پولیس نے رواں ماہ کے اوائل میں البرٹا کے شہر ایڈمنٹن سے تین بھارتی شہریوں کو گرفتار کیا تھا اور ان پر فرد جرم عائد کی تھی اور کہا تھا کہ وہ اس بات کی تحقیقات کر رہے ہیں کہ آیا ان افراد کے بھارتی حکومت سے تعلقات تھے یا نہیں۔
انٹیگریٹڈ ہومیسائڈ انویسٹی گیشن ٹیم (آئی ایچ آئی ٹی) نے ہفتہ کے روز اعلان کیا کہ 22 سالہ امن دیپ سنگھ پر ہردیپ سنگھ نجار کے قتل میں فرسٹ ڈگری قتل اور قتل کی سازش کا الزام عائد کیا گیا ہے۔
آئی ایچ آئی ٹی نے بتایا کہ بریمپٹن، سرے اور ایبٹس فورڈ میں رہنے والا بھارتی شہری سنگھ پہلے ہی پیل، اونٹاریو سے غیر متعلقہ آتشیں اسلحے کے الزام میں حراست میں تھا۔
45 سالہ ہردیپ سنگھ کو جون میں وینکوور کے مضافاتی علاقے سرے میں ایک سکھ مندر کے باہر گولی مار کر ہلاک کر دیا گیا تھا۔
چند ماہ بعد کینیڈا کے وزیر اعظم جسٹن ٹروڈو نے بھارتی حکومت کے ممکنہ ملوث ہونے کے ثبوت پیش کیے جس کے بعد نئی دہلی کے ساتھ سفارتی بحران پیدا ہو گیا۔
ہردیپ سنگھ ایک کینیڈین شہری تھا جو خالصتان کے قیام کے لئے مہم چلا رہا تھا ،
کینیڈا میں سکھ علیحدگی پسند گروہوں کی موجودگی نے طویل عرصے سے نئی دہلی کو مایوس کیا ہے ، جس کی وجہ سے ہردیپ سنگھ نجار کو “دہشت گرد” قرار دیا تھا۔
