واشنگٹن (ہمگام نیوز)ہلیری کلنٹن نے امریکہ کی تاریخ میں خواتین کے ایک تاریخی لمحے تک پہنچنے کے لیے اپنے حامیوں کا شکریہ ادا کیا ہے۔نیوجرسی میں فتح کے ساتھ انھوں نے ڈیموکریٹک پارٹی کی جانب سے صدارتی امیدوار کے لیے اپنی پوزیشن مستحکم کر لی ہے۔نیو یارک میں اپنے خوشی مناتے ہوئے حامیوں سے انھوں نے کہا: ’آپ کا شکریہ، ہم ایک سنگ میل تک پہنچ گئے ہیں۔‘
انھوں نے کہا: ’ہمارے ملک کی تاریخ میں پہلی بار کسی اہم پارٹی کی جانب سے کوئی خاتون امیدوار ہوگی۔‘خبررساں ادارے اے پی نے پیر کو خبر دی تھی کہ سابق امریکی وزیرِ خارجہ ہلیری کلنٹن نے ڈیموکریٹک پارٹی کی صدارتی امیدوار بننے کے لیے درکار مندوبین کی مطلوبہ تعداد حاصل کر لی ہے۔
اے پی کے مطابق ہلیری کلنٹن کے حمایتی مندوبین کی تعداد 2,383 ہوگئی ہے جس کے بعد وہ اپنی جماعت کی جانب سے صدارتی امیدوار کی نامزدگی حاصل کر سکتی ہیں۔
منگل کو چھ ریاستوں میں پرائمریری کے لیے ووٹنگ ہوئی لیکن کیلیفورنیا کی جیت اہمیت کی حامل ہے۔
ہلیری امریکی صدارتی انتخاب میں ’پہلی خاتون امیدوار‘
