واشنگٹن (ہمگام نیوز) مانیٹرنگ نیوز ڈیسک کی رپورٹ کے مطابق امریکی سیکیورٹی کمپنی نیشنل پارک سروس میں ملازمت کرنے والی 100 سالہ خاتون رینجر اہلکار نے ریٹائرمنٹ کا اعلان کر دیا۔
غیر ملکی میڈیا کے مطابق امریکی ریاست کیلیفورنیا کی سیکیورٹی کمپنی نیشنل پارک سروس میں ملازمت کرنے والی معمر ترین خاتون رینجر اہلکار، بیٹی ریڈ سوسکن نے ریٹائرمنٹ لے لی ہے۔
معمر ترین خاتون اہلکار نے امریکی شہر رچمنڈ میں واقع دو مزید کمپنیز میں 15 سال خدمات سرانجام دیں۔
بیٹی ریڈ سوسکن کا اپنی ریٹائرمنٹ کے موقع پر کہنا تھا کہ ’اُن کے لیے بطور سیکیورٹی اہلکار اپنے فرائض انجام دینا بہت مقدس کام تھا، یہ لمحات اُن کی زندگی کے اہم ترین اور یادگار لمحات میں سے تھے۔
بیٹی ریڈ سوسکن کا کہنا تھا کہ ’ اب وہ اپنی آنے والی زندگی اپنے دوستوں اور خاندان کے ساتھ گزارنا چاہتی ہیں۔‘
واضح رہے کہ بیٹی ریڈ سوسکن 1942ء میں امریکی ایئر فورس کا حصہ رہ چکی ہیں۔
