تہران (ہمگام نیوز ) مقامی ذرائع کے مطابق ہفتہ 7 مارچ 2026 کی شام ایران کے دارالحکومت تہران اور قریبی شہر کرج میں واقع آئل ریفائنریوں میں حملوں کے بعد آگ بھڑک اٹھنے کی اطلاعات موصول ہوئی ہیں۔
رپورٹس کے مطابق سوشل میڈیا پر جاری ہونے والی تصاویر اور ویڈیوز میں ریفائنریوں کے علاقوں سے بلند شعلے اور گھنا دھواں اٹھتا ہوا دیکھا جا سکتا ہے، جو شہروں کے مختلف حصوں سے بھی واضح طور پر نظر آ رہا ہے۔
مقامی ذرائع کا کہنا ہے کہ حملوں کے بعد ریفائنریوں کے اطراف میں شدید آگ لگ گئی، جس کے باعث فضا میں گھنا سیاہ دھواں پھیل گیا۔
تاحال ایرانی حکام کی جانب سے واقعے کی تفصیلات یا نقصانات کے بارے میں کوئی سرکاری بیان جاری نہیں کیا گیا، تاہم مقامی سطح پر صورتحال کی نگرانی کی جا رہی ہے۔
