برلن (ہمگام نیوز) جرمنی کے چانسلر فریڈرک مرٹس نے ایران کی موجودہ صورتحال اور خطے میں جاری کشیدگی پر بات کرتے ہوئے کہا ہے کہ ایرانی حکومت کے خاتمے سے جنگ جلد ختم ہو سکتی ہے۔
میڈیا رپورٹس کے مطابق پیر 9 مارچ 2026 کو اپنے ایک بیان میں فریڈرک مرٹس نے کہا کہ “جتنا جلدی ملاوں کی حکومت کو روکا جائے گا، اتنی ہی جلد یہ جنگ ختم ہو جائے گی۔” انہوں نے ایران کی حکومت کو بین الاقوامی دہشت گردی کا مرکز قرار دیتے ہوئے کہا کہ اس نظام کو روکنا ضروری ہے۔
جرمن چانسلر نے اپنے بیان میں امریکا اور اسرائیل کے اقدامات کا ذکر کرتے ہوئے کہا کہ یہ ممالک اپنے طریقے سے ایران کے مسئلے سے نمٹ رہے ہیں۔
انہوں نے اس بات پر بھی خبردار کیا کہ خطے میں جاری کشیدگی اور ممکنہ جنگ کے اثرات جرمنی کی معیشت پر بھی پڑ سکتے ہیں، جو یورپ کی سب سے بڑی معیشت ہے۔ مرٹس کے مطابق جرمن حکومت توانائی کے شعبے میں اپنی انحصار کم کرنے اور زیادہ خودمختاری حاصل کرنے کی کوشش کر رہی ہے۔
یہ بیان ایسے وقت میں سامنے آیا ہے جب خطے میں فوجی کشیدگی میں اضافہ ہو رہا ہے اور ایران سے متعلق یورپی ممالک کے ردعمل اور بیانات میں بھی تیزی دیکھی جا رہی ہے۔
