یزد(ہمگام نیوز ) گزشتہ روز 25 اگست 2026 کو یزد میں ایک مکان میں ہونے والی شدید آتشزدگی کے نتیجے میں ایک بلوچ خاندان کے دو بچے جاں بحق جبکہ ان کے والدین شدید جھلس گئے۔ والدین بچوں کو بچانے کے لیے جلتے ہوئے گھر میں داخل ہوئے تھے۔
رپورٹ کے مطابق، جاں بحق ہونے والے بچوں کی شناخت 9 سالہ علیرضا دہمردہ اور 5 سالہ مرجان دہمردہ کے نام سے ہوئی ہے۔ دونوں خلیل دہمردہ کی اولاد تھے۔
رپورٹ کے مطابق بچوں کے والد 35 سالہ خلیل دہمردہ ولد شیراحمد اور والدہ آمنہ دہمردہ ولد شریف بھی اس واقعے میں شدید جھلس گئے۔ خاندان کا تعلق میرجاوہ سے تھا اور وہ یزد میں مقیم تھا۔
ذرائع کے مطابق یہ واقعہ اس وقت پیش آیا جب گھر کے اندر موجود پٹرول سے لدی ایک گاڑی میں دھماکے کے بعد آگ بھڑک اٹھی۔ دھماکے کے نتیجے میں آگ نے مکان کے مختلف حصوں کو اپنی لپیٹ میں لے لیا۔
آگ لگنے کے وقت علیرضا اور مرجان گھر کے اندر موجود تھے۔ آگ تیزی سے پھیلنے کے بعد ان کے والدین نے اپنی جان خطرے میں ڈال کر بچوں کو بچانے کے لیے گھر میں داخل ہونے کی کوشش کی، تاہم وہ دونوں بچوں کو باہر نکالنے میں کامیاب نہ ہو سکے اور خود بھی شدید جھلس گئے۔
واقعے کے بعد خلیل دہمردہ اور ان کی اہلیہ آمنہ کو اسپتال منتقل کیا گیا، جہاں دونوں کی حالت تشویشناک بتائی جاتی ہے اور انہیں انتہائی نگہداشت کے شعبے میں زیرِ علاج رکھا گیا ہے۔
دونوں بچوں کی میتیں یزد سے میرجاوا منتقل کی گئیں، جہاں انہیں 27 اگست 2026 کو سپردِ خاک کر دیا گیا۔
