تمپ/پنجگور (ہمگام نیوز) تمپ و مند میں پاکستانی فوج کے ہاتھوں آٹھ بلوچ فرزند اغواء ،پنجگور میں 80 سالہ چرواہا شہید تفصیلات کے مطابق گزشتہ روز تمپ کے علاقے دازن میں شام کے وقت قابض پاکستانی فورسز نے شہید ماسٹر بیت اللہ کے رشتہ دار سورب بلوچ کو ان کے دکان سے حراست میں لیکر لاپتہ کردیا جبکہ پاکستانی فوج نے مند کے علاقے گیاب میں آبادی پر دھاوا بول کر خواتین و بچوں کو زد کوب کرنے کے ساتھ گھروں میں لوٹ مار کی اور سات افراد کو حراست کے بعد مقامی آرمی کیمپ منتقل کردیا سات افراد کے نام ، شیر محمد ولد بہرام، شبیر، زبیر ولد علی، محمد رضا ولد گہرام، عابد ولد حمید،طارق ولد عبداللہ،جاوید بلوچ شامل ہیں
پنجگور ریاستی ڈیتھ اسکواڈ کا ایک گھر پر حملہ،تھوڑ پھوڑ
پنجگور کے علاقے وشبود میں گزشتہ روز پاکستانی فوج کے زیر دست مسلح دفاع ریاستی ڈیتھ اسکواڈ کے کارندوں نے ڈاکٹرمحمد عیسیٰ بلوچ کے گھر پر حملہ کر کے گھر میں موجود قیمتی اشیاء کو لوٹنے کے ساتھ خواتین و بچوں کو تشدد کا نشانہ بنایا اور تھوڑ پھوڑ کی گھر کے دروازوں اور مین گیٹ کو بھی اکھاڑ دیا گیا۔جبکہ پنجگور کے علاقے گچک میں پاکستانی فوج نے تین روز قبل ایک85 سالہ بزرگ بلوچ چروائے خد ا بخش کو قتل کر دیا،جسکی لاش گزشتہ روز ملی۔
تمپ /پنجگور :قابض پاکستانی آرمی کے ہاتھوں،7 افراد اغواء،گھر نذر آتش 80سالہ چرواہاں شہید
