کوئٹہ (ہمگام نیوز) بلوچ اسٹوڈنٹس ایکشن کمیٹی کے مرکزی ترجمان نے اپنی جاری کردہ بیان میں کہا کہ ڑیرہ غازی خان میڈیکل کالج میں ڈیرہ غازی خان اور ٹرائبل ایریا کے طلباء کے لیے کوٹہ مقرر نہ ہونا طلباء کے حقوق پر ڈاکہ ڈالنا ہے انہوں نے مزید کہا کہ ڈیرہ غازی خان کے طلباء 14 فروری سے اپنے میڈیکل کالج میں داخلہ کے لیے سراپا احتجاج ہیں اور اس یخ بستہ موسم میں میڈیکل کالج کے سامنے دن رات علامتی بھوک ہڑتالی کیمپ میں بیٹھے ہوئے ہیں لیکن حکومتی اداروں کی طرف سے کوئی پیش رفت نہیں ہوئی.
ترجمان نے اپنے خدشات کا اظہا کرتے ہوئے کہا کہ اس طرح کے عمل سے ان علاقوں میں متعلقہ شعبے کے حوالے سے بحران پیدا ہوسکتا ہیں.
مرکزی ترجمان نے مزید کہا کہ ہم ڈی جی خان کے طلباء کے احتجاج کی بھر پور حمایت کرتے ہیں اور میڈیکل کالج کے انتظامیہ، سپریم کورٹ آف پاکستان اور اعلی حکام سے اپیل کرتے ہیں کہ اس مسئلے کو سنجیدگی سے لے کر ٹرائبل ایریا کے طلباء کے مسائل حل کرنے میں کردار ادا کرے۔
ڈی جی خان میڈیکل کالج میں مقامی طلباء کے لیے کوٹا مقرر نہ ہونا طلباء کے حقوق پر ڈاکہ ڈالنا ہے۔: بلوچ اسٹوڈنٹس ایکشن کمیٹی
