کراچی (ہمگام نیوزڈیسک) سول ایوی ایشن CAA کے نوٹم کے مطابق رحیم یار خان، سیالکوٹ، اور اسکردو ائیر پورٹس مزید 1دن کے لیے بند رہیں گے، جب کہ گلگت، سکھر اور مشرقی ائیر پورٹس کو بھی 1دن کے لیے بند رکھا گیا ہے۔
نوٹم میں بتایا گیا ہےکہ ائیرپورٹس 8 مارچ کی دوپہر ایک بجے تک بند رہیں گے جب کہ پاکستانی فضائی حدود کو استعمال کرکےکسی اور فضائی حددو میں جانے پر بھی پابندی ہے۔
نوٹم کے مطابق جن ائیر پورٹس پر فلائٹ آپریشن جاری ہے اس میں 15 مارچ کی صبح 5 بجے تک توسیع کی گئی ہےجس کے تحت چترال، ملتان، کراچی، فیصل آباد، پشاور، لاہور، کوئٹہ اور اسلام آباد کے ائیرپورٹس پر 15 مارچ تک فلائٹ آپریشن جاری رہے گا۔
واضح رہےکہ گزشتہ دنوں پاکستان اور بھارت کے درمیان کشیدگی بڑھنے پر پاکستان کی فضائی حدود کو بند کرکے پورے پاکستان میں فلائٹ آپریشن معطل کردیا گیا تھا۔
