گلگت (ہمگام نیوز) مانیٹرنگ نیوز ڈیسک رپورٹ کے مطابق گلگت بلتستان کے ضلع استور کے علاقے منی مرگ میں پاکستان آرمی ایوی ایشن کا ہیلی کاپٹر گر کر تباہ ہونے سے 4 فوجی ہلاک ہوگئے۔
مانیٹرنگ نیوز ڈیسک رپورٹ کے مطابق آئی ایس پی آر کے جاری کردہ ایک اعلامیے کے مطابق ہیلی کاپٹر سپاہی عبدالقدیر کی نعش لے کر کمبائنڈ ملٹری ہسپتال (سی ایم ایچ) اسکردو جارہا تھا۔
آئی ایس پی آر نے بتایا کہ تکنیکی وجوہات کے باعث ہیلی کاپٹر گر کر تباہ ہوا۔
واقعے میں ہلاک ہونے والے فوجیوں کی تفصیلات بتاتے ہوئے آئی ایس پی آر کا کہنا تھا کہ پائلٹ میجر محمد حسین، شریک پائلٹ میجر ایاز حسین، نائیک انضمام عالم اور سپاہی محمد فاروق اس واقعہ میں ہلاک ہوگئے۔
میجر محمد حسین اسکردو، میجر ایاز حسین کراچی، نائیک انضمام چکوال جبکہ سپاہی فاروق ساہیوال سے تعلق رکھتے تھے۔
