کوہلو (ہمگام نیوز) ہمگام نیوز کو موصول ہونے والے آمدہ اطلاعات کے مطابق آج صبح قابض پاکستان آرمی مقبوضہ بلوچستان میں کوہلو کے علاقے کاہان، سیاہ گری اور بامبور میں جارحیت ہیلی کاپٹروں کے ذریعے شیلنگ جس کے نتیجے میں 80 سالہ بزرگ اپنے 9 سالہ بیٹے کے ساتھ شہید، متعدد افراد کے اغواء و زخمی ہونے کی اطلاعات بھی موصول ہوئی ہیں۔
تفصیلات کے مطابق آج صبح قابض پاکستانی فوج نے مقامی ڈیتھ اسکواڈ کے ہمراہ کوہلو کے علاقے کاہان، پیشی، بامبور اور سیاہ گری کے علاقوں میں جارحیت کرتے ہوئے80 سالہ بزرگ جندو میکانی کو اپنے 9 سالہ فرزند علی داد کے ساتھ شہید کردیا۔ اس جارحیت میں جندو میکانی کا 16 سالہ بیٹا غلام احمد بھی زخمی ہوا ہے۔
مقامی ذرائع سے معلوم ہوا ہے کہ دوران جارحیت قابض پاکستان آرمی نے جندو میکانی کے بھتیجے سمیت کئی دیگر افراد کو بھی جبری گُمشدگی کا شکار بناکر اغوا کردیا جن کے کوائف اور دیگر تفصیلات تاحال معلوم نہیں ہوسکیں۔
