کوئٹہ(ہمگام نیوز) بلوچستان لبریشن فرنٹ کے ترجمان میجر گہرام بلوچ نے نامعلوم مقام سے میڈیا کو جاری کردہ اپنے ایک بیان میں ذمہ داری قبول کرتے ہوئے کہا کہ آج بروز ہفتہ صبح سات بجے ہمارے سرمچاروں نے ضلع کیچ میں مند کے علاقے چکاپ میں ایران بلوچستان سرحد پر باڑ لگانے والے کمپنی کے کارندوں اور ان کی سیکورٹی پر معمور فوجی اہلکاروں پر حملہ کیا۔
ترجمان کے مطابق اس حملے میں تعمیراتی کمپنی اور ان کی سیکورٹی کے پانچ اہلکار ہلاک اور دو زخمی ہوئے ہیں۔ حملے کے بعد پاکستانی فوج کے جنگی ہیلی کاپٹروں نے علاقے میں پروازیں شروع کیں۔ اور فوجی اہلکار اپنے ہلاک و زخمیوں کو لے جانے کیلئے جلد ہی جائے وقوعہ پر پہنچ گئے۔
انہوں نے کہا کہ پاکستانی فوج اور ریاستی معاونت کاروں کیخلاف اس طرح کے حملے بلوچستان کی آزادی تک جاری رہیں گے۔
