نائیجیریا میں ریلوے اسٹیشن پر ٹرین کے منتظر 32 افراد کو اسلحہ کے زور پر اغوا کر لیا گیا ہے غیر ملکی خبر رساں اداروں کے مطابق نائجیریا کی جنوبی ریاست ایڈو کے نام اکیمی اسٹیشن پر مسلح شخص نے دھاوا بول دیا اور ٹرین کا انتظار کرنے والے32 افراد کو اسلحہ کے زور پر اغوا کر کے نامعلوم مقام پر لے گیا مقامی پولیس کا کہنا ہے ہے کہ ریاستی دارالحکومت شہر بینن سے تقریبا ایک سو گیارہ کلومیٹر کے فاصلے پر قائم ریلوے اسٹیشن پر دھاوا کے دوران مسلح شخص نے وہاں موجود کچھ افراد پر گولی بھی چلائی۔
میڈیا ذرائع کے مطابق مسلح شخص جدید ایک کے فورٹی سیون 47رائفل سے لیس تھا۔ ریاستی انتظامیہ کے مطابق ریلوے اسٹیشن پر ٹرین کے انتظار میں بیٹھا ایک شخص مسلح شخص کے چنگل سے فرار ہونے میں کامیاب ہو گیا اطلاع ملنے پر پولیس اور فوج نے مغویوں کی تلاش کے لیے کارروائیاں شروع کر دی ہیں اور اس سلسلے میں چھاپوں کے لیے ٹیمیں تشکیل دے دی گئی ہیں قانون نافذ کرنے والے اداروں نے دعویٰ کیا ہے کہ چند گھنٹوں میں مغویوں کو آزاد کروا لیا جائے گا۔ واقعے کے بعد محکمہ ریلوے نے مذکورہ اسٹیشن کو تحقیق میں اسٹیشن کو تاحکم ثانی ٹرین آپریشن کے لیے بند کر دیا حکام نے اسلحے کے زور پر اسٹیشن پر موجود افراد کو اغوا کرنے کے واقعے کو غیر انسانی قرار دیتے ہوئے واقعے کی شدید مذمت کی ہے۔
واضح رہے کہ نائجیریا میں آئندہ ماہ صدارتی انتخابات ہونے والے ہیں جبکہ اس سے قبل اس قسم کی کارروائیوں کو قانون نافذ کرنے والے اداروں کے لیے بڑے چیلنج کے طور پر دیکھا جارہا ہے۔
