کوئٹہ (ھمگام نیوز) بلوچستان لبریشن فرنٹ نے مند کے علاقے موکندر اور دوکوپ کے درمیان پاکستانی فوجی قافلے پر حملے کی ذمہ داری قبول کر لی ہے۔
بی ایل ایف کے ترجمان میجر گہرام بلوچ نے میڈیا میں جاری کردہ بیان میں کہا کہ کیچ کے علاقے مند میں سرمچاروں نے آج بدھ کے روز ڈھائی بجے موکندر اور دوکوپ کے درمیان پاکستانی فوج کے چار گاڑیوں کے قافلے پر راکٹوں اور خودکار ہتھیاروں سے حملہ کیا۔ قافلے میں شامل گاڑیوں کو نقصان پہنچا اور ان میں سوار دشمن فوج کے 7 اہلکار ہلاک اور متعدد زخمی ہوئے ہیں۔
حملے کے بعد قابض فوج نے فضائی جارحیت کا آغاز کیا۔ گن شپ ہیلی کاپٹر ہلاک اور زخمیوں کو لے جانے کیلئے جائے وقوعہ پرپہنچے۔
ترجمان نے کہا کہ قابض فوج پر حملے مقبوضہ بلوچستان کی آزادی تک جاری رہیں گے۔
