مهتر سلیمان و بالی مُرگ
علی اکبر دهخدا / کریم بلوچ _ تهل
مهتر سلیمان ءِ وهد و باریگ ءَ ، روچے مُرگے اوٹگ و گــُوَلم ءَ شت تاں آپ به وارت .
دیستی که چکاں اوداں لیب و گوازی کناں و جان شودان انت . وتی دور داشت تاں که چکانی لیب و جان شودی کــُـٹ ات و چه اوداں رپت انت .
رندا گولم ءِ نزیک ءَ شت . دیستی که وَش ڈؤلیں مردے گوں دراج و اسپیتیں ریشاں پیداک انت . مُرگ وتی دل ءَ گوئشت الـّم انت که اے کماش منا کار نداریت و آپ ءِ ورگ ءَ گلائیش بوت .
کماش مُرگ ءَ ڈوکے جت که ڈوک مُرگ ءِ سَرَگ ءَ گؤر جَت و مُرگ ءِ چــِژمی ( چمی ) کور کرت .
مرگ مهتر و ربالو سلیمان ءِ کِـرّ ءَ شت و مرد ءِ شکایتی ( ) کرت که آئی ءِ چمی کور کرته .
مهتر سلیمان گوئشت تاں که مرد اش یائورت . مهتر سلیمان بالی مُرگ ءَ گوئشت که تو هم آئی ءِ چم ءَ وتی چم ءِ بدل ءَ کور بکن !
مُرگ گوئشت : آئی ءِ چم منی چم ءَ کور نکرته ! آئی ءِ ریش ات که منی ریپینت و منی بٹال دات . شما پرچئے آئی ءِ چم ءَ کور کنیت . داد و گهتر هما وهد بیت که شما آئی ءِ ریشاں بتراشیت و به سائیت تاں دگه کسے ءَ منی داب ءَ مه ریپیننت .
٭٭٭٭
