واشنگٹن:(ہمگام نیوز ڈیسک) امریکی نیشنل اوشینک اینڈ ایٹموسفیرک ایڈمنسٹریشن نے سورج کی سطح پر ایک شدید جیو میگنیٹک طوفان کی نشاندہی کی ہے۔ یہ آگاہی NOAA کی جانب سے دی گئی کہ جیو میگنیٹک طوفان، جس کے اثرات شمالی نصف کرہ میں نظر آنے کی توقع ہے، آج سے شروع ہو سکتا ہے اور “سیٹیلائٹ مواصلات اور بجلی کے نظام کو متاثر کر سکتا ہے۔” دریں اثنا، امریکی نیشنل ایروناٹکس اینڈ اسپیس ایڈمنسٹریشن (NASA) نے سورج پر ہونے والے بڑے دھماکے کی تصویر شائع کی۔ سائنسدانوں نے بتایا کہ مذکورہ طوفان کی وجہ سے پیدا ہونے والی قطبی روشنیوں کا مشاہدہ امریکی ریاستوں الاباما اور شمالی کیلیفورنیا میں کیا جا سکتا ہے۔ اس بات کا تعین کیا گیا کہ سورج پر ہونے والے دھماکوں کی وجہ سے ہونے والے جیو میگنیٹک طوفان کا منبع ایک “بڑا، پیچیدہ سن اسپاٹ کلسٹر” تھا جسے “ریجن 3664” کہا جاتا ہے اور اس نے کرہ ارض کے حجم سے 16 گنا زیادہ بڑے رقبے کا احاطہ کیا ہے۔ مزید برآں NOAA کے بیان میں، زمین کے قریب آنے والے طوفان کے ممکنہ اثرات کی طرف توجہ مبذول کراتے ہوئے، کہا گیا ہے کہ “وولٹیج کنٹرول کے وسیع مسائل پیدا ہو سکتے ہیں” اور مدار میں سیٹلائٹس میں “رگڑ، ٹریکنگ اور ملاحضہ کرنے کی خرابیاں ” پیدا ہو سکتی ہیں۔
