امریکہ : (ہمگام نیوز) امریکی ایبی ہینسل جو جسمانی طور پر آپس میں جڑی ہوئی ہیں نے کچھ عرصہ قبل جوش بولنگ سے شادی کر لی ہے۔ بولنگ ایک نرس اور فوجی تجربہ کار ہیں۔
میڈیا رپورٹس کے مطابق جڑواں لڑکیوں ایبی اور برٹنی ہینسل دوسرے لوگوں کی طرح معمول کی زندگی گزارتی ہیں، کاریں چلاتی، شاپنگ کرتی ہیں اور تیراکی کرتے ہیں۔ان کا ایک دھڑ اور دو سر ہیں۔
ایبی اور برٹنی دنیا کے سب سے مشہور جڑواں بچوں میں سے ہیں۔ ان میں سے ہر ایک کا سر اور دل الگ ہے، لیکن ان کے جسم جڑے ہوئے ہیں۔ ایک کی ٹانگیں اور دوسری کی بازو ہیں۔
حال ہی میں 2021ء میں ہونے والی شادی کے دن کی ایک تصویر سوشل میڈیا پر پھیل گئی۔
ایک ویڈیو کلپ جس کے بارے میں خیال کیا جاتا ہے کہ مہمانوں میں سے ایک نے لیا تھا جس میں جڑواں لڑکیوں کو مشترکہ عروسی جوڑے میں دولہا کے ساتھ رقص کرتے ہوئے دکھایا گیا تھا۔
ایبی اور برٹنی اب مینیسوٹا کے ایک ایلیمنٹری اسکول میں پانچویں جماعت کے ریاضی کی استانیاں ہیں۔
جڑواں بچیوں نے پہلی بار 1996ء میں دنیا کو اپنے سحر میں ڈالا جب وہ اوپرا ونفری کے شو اور لائف میگزین کے سرورق پران کی تصاویر چھپیں۔
دونوں جڑوں بہنیں میڈیا کی چک چوند سے دور رہتی ہیں تاہم سولہ سال کی عمر میں انہوں نے ایک دستاویزی فلم میں حصہ لیا تھا۔
