کوہستان(ہمگام نیوز) اطلاعات کے مطابق کوہستان کے علاقہ پانی باہ کے مقام پر مسافر گاڑی دریائے سندھ میں جا کر گر گئی جس میں سوار 14 افراد لاپتہ ہوگئے ہیں، جب کہ ایک خاتون کی لاش مل گئی۔
اطلاعات کے مطابق کوہستان میں اپر کوہستان کے علاقے پانی باہ کے مقام پر مسافر گاڑی دریائے سندھ میں گر گئی جس میں 15 افراد سوار تھے جن میں سے ایک خاتون کی لاش نکال لی گئی ہے اور باقی 14 افراد تاحال لاپتہ ہیں۔
ریسکیو ذرائع کا کہنا ہے کہ گاڑی چلاس کے علاقے تھل پین سے آ رہی تھی کہ پانی باہ کے مقام پر حادثے کا شکار ہوگئی، گاڑی میں ایک ہی خاندان کے افراد سوار تھے، ریسکیو آپریشن جاری ہے مگر پانی کا بہاؤ تیز ہونے کے باعث مشکلات کا سامنا ہے اور حادثے میں ہلاکتوں کا خدشہ بھی ہے۔
