تہران(ہمگام نیوز ڈیسک) ایران کے نیم سرکاری خبر رساں ادارے آئی ایس این اے نے خبر دی ہے کہ انقلابی عدالت نے اصلاح کی حامی ایک خاتون صحافی کو سکیورٹی کے الزامات پر تقریباً 13 برس قید کی سزا سنائی ہے۔
میڈیا رپورٹس کے مطابق ہنگامہ شہیدی اپنے خلاف 12 برس 9 ماہ قید کی سزا کےفیصلے کے خلاف اپیل کا حق رکھتی ہیں۔ خبر میں مزید وضاحت نہیں کی گئی۔
تینتالیس برس کی شہیدی جون سے جیل میں ہیں، جس سے قبل وہ کچھ عرصے تک سوشل میڈیا پر کافی متحرک رہ چکی ہیں۔
وہ دلیر صحافی ہیں، جو متعدد بار مختصر مدت کی جیل کاٹ چکی ہیں۔
پہلی بار وہ اُس وقت جیل گئی تھیں جب 2009ء کے متنازع صدارتی انتخابات ہوئے، جس میں سخت گیر سابق صدر محمود احمدی نژاد نے دوبارہ انتخابات میں جیتے تھے۔
اُس وقت سے سلامتی کی وجوہ کی بناء پر ایران میں کئی صحافیوں اور سرگرم کارکنوں کو حراست میں لیا جا چکا ہے۔
