بصرہ میں خودکش دھماکہ متعدد افراد ہلاک۔

بغداد(ہمگام نیوز) عراق میں دو مختلف حملوں کے نتیجے میں کم ازکم 35 افراد ہلاک جبکہ درجنوں زخمی ہو گئے ہیں۔ ایک فوجی بیان کے مطابق ایک حملہ تیل سے مالا مال شہر بصرہ کے نزدیک واقع ایک فوجی چیک پوائنٹ پر کیا گیا، جس میں گیارہ افراد ہلاک ہو گئے۔ ان ہلاک شدگان میں تین فوجی اور پانچ شہری شامل ہیں۔ بغداد میں کیے گئے حملے میں چوبیس ہلاکتوں کی تصدیق کی گئی ہے۔ انتہا پسند گروہ داعش کی طرف سے ایک آن لائن پیغام میں اس حملے کی ذمہ داری قبول کر لی گئی ہے۔ اس انتہا پسند گروہ کے مطابق اس کارروائی میں شیعہ آبادی کو نشانہ بنانے کی کوشش کی گئی۔