(ہمگام نیوز )
تاجکستان میں چار غیر ملکی سائیکل سوار اس وقت ہلاک ہو گئے جب ایک کار نے ان کو روند ڈالا۔ انہیں زخمی کرنے کے بعد کار میں سوار دہشت گردوں نے باہر نکل کر ان پر خنجروں سے حملہ کر یا۔
تاجکستان کی وزارت داخلہ اور امریکی سفارت خانے نے بتایاہے کہ ہلاک ہونے والوں میں امریکہ، سوئٹزرلینڈ اور نیدر لینڈز کے سائیکل سوار شامل تھے۔حکام کا کہنا ہے کہ اس حملے میں تین سائیکل سوار زخمی بھی ہوئے جن کا تعلق سوئٹرزلینڈ، نیدرلینڈز اور فرانس سے تھا۔
سیکیورٹی فورسز نے حملہ آوروں کا پیچھا کیا اور چار کو ہلاک کر دیا، جن میں ایک وہ حملہ آور بھی تھا جس نے گرفتاری میں مزاحمت کی تھی۔ جب کہ پانچویں حملہ آور کو پکڑ لیا گیا۔تاجکستان کے وزیر داخلہ رمضان رحیم زادہ نے بتایا کہ کار میں سوار جس دہشت گرد گروپ نے سائیکل سواروں پر حملہ کیا ، ان کی شناخت کر لی گئی ہے۔
سابق سوویت یونین سے آزادی حاصل کرنے کے تھوڑے ہی عرصے کے بعد تاجکستان کو حکومت مخالف فورسز سے لڑنا پڑا تھا جن میں بہت سے اسلام پسند بھی شامل تھے۔
