تربت: مکان کی چھت گرنے سے تین افراد زخمی
تربت (ہمگام نیوز) اطلاعات کے مطابق مقبوضہ بلوچستان کے شہر تربت میں تیز ہوا و بارش کی وجہ سے مکان کا چھت گرگیا جس سے تین افراد زخمی ہوگئے۔
تفصیلات کے مطابق تربت کے علاقے آبسر میں تیز ہوا و بارش کی وجہ سے الہی بخش عصاء نامی شخص کے مکان کا چھت گرگیا، چھت گرنے کے باعث تین افراد ملبے میں پھنس گئے جنہیں زخمی حالت میں ہمسائیوں نے اپنی مدد آپ کے تحت ملبے سے باہر نکال دیا۔
واضح رہے تربت میں حالیہ بارشوں کی وجہ سے تربت کے علاقے آبسر و صلالہ بازار سمیت دیگر کئی علاقوں میں کئی مکانات و دوسرے شہری تنصیبات کو کافی نقصان کا سامنا کرنا پڑا ہے۔
