کیچ (ہمگام نیوز) نواحی علاقے ملک آباد میں نامعلوم مسلح افراد نے فائرنگ کرکے ایک ٹیچر کو قتل کردیا اور فرار ہوگئے۔
جاں بحق ہونے والے ٹیچر کی شناخت عبدالرؤف ولد برکت کے نام سے ہوئی ہے جو جت بلنگور کا رہائشی ہے۔
جاں بحق ہونے والے عبدالرؤف ولد برکت بولان گرائمر اسکول میں ٹیچر تھے۔
مقامی لوگوں کے مطابق ٹیچر کے قتل کی وجہ مذہبی انتہاء پسندی ہوسکتی جس پر توہین رسالت کے الزامات لگائے گئے تھے۔
مقامی لوگوں کے مطابق عبدالرؤف ولد برکت مزہبی توہین رسالت الزامات کی صفائی کیلئے منعقد مذہبی جرگے میں جارہے تھے کہ راستے میں ہی قتل کیے گئے۔
تاہم پولیس مقتول کے قتل کے محرکات سے لاعلم ہے۔
