جیکب آباد(ہمگام نیوز)جیکب آباد میں دن دھاڑے راہزنی کی واردات، ملزمان نجی کورئیر کمپنی کے ملازم سے لاکھوں روپے چھین کر فرار ہونے میں کامیاب ہوگئے –
تفصیلات کے مطابق جیکب آباد کے سٹی تھانہ کی حدود آدم خان پہنور روڈ پر موٹر سائیکل پر سوار نامعلوم مسلح افراد نے دن دھاڑے نجی کورئیر کمپنی کے ملازم علی محمد سرکی سے اسلحہ کے زور پر 5 لاکھ روپے نقدی چھین کر فرار ہوگئے۔ متاثرہ نوجوان محمد علی سرکی نے بتایا کہ معمول کے مطابق رقم بینک میں جمع کرانے کیلئے جارہا تھاکہ نامعلوم ملزمان کیش بیگ چھین کر فرار ہو گئے، پولیس کے مطابق علی محمد سرکی کی جانب سے تھانے پر این سی درج کرائی گئی ہے جبکہ واردات میں ملوث ملزمان کی گرفتاری کے لیے چھاپے جارہے ہیں جلد ملزمان کو گرفتار کرلیا جائے گا۔
جیکب آباد، ملزمان کوریئر کمپنی کے ملازم سے لاکھوں روپے چھین کر فرار
