حب چوکی (ہمگام نیوز) آمدہ اطلاعات کے مطابق کراچی سے متصل مقبوضہ بلوچستان میں ضلع لسبیلہ کے صنعتی شہر حب چوکی میں ‘شہداء پولیس فٹبال’ ٹورنامنٹ کے فائنل میچ کے دوران الہ آباد فٹبال گراؤنڈ میں بم کا زور دار دھماکہ ہوا۔
تفصیلات کے مطابق مقبوضہ بلوچستان کے علاقے حب چوکی میں ‘شہداء پولیس فٹبال ٹورنامنٹ’ کے فائنل میچ کے دوران الہ آباد فٹبال گراؤنڈ میں زوردار بم دھماکہ ہوا ہے جس کے نتیجے میں اب تک کی اطلاعات کے مطابق 12 افراد زخمی ہوگئے ہیں۔ زخمیوں میں 2 کی حالات تشویشناک بتائی جارہی ہے۔
زخمیوں کو علاج معالجے کیلئے جام غلام قادر ہسپتال منتقل کردیا گیا ہے۔
دھماکے کے بعد پاکستانی فورسز اور اس کے خفیہ اداروں کے اہلکاروں نے گرائونڈ کو چاروں اطراف سے محاصرے میں لے لیا۔
پولیس ذرائع کے مطابق بم دھماکہ ریموٹ کنٹرول ڈیوائس سے کیاگیا ہے تاہم اب تک اس دھماکے کی زمہ داری کسی تنظیم کی جانب سے قبول نہیں کی گئی ہے۔
