مستونگ (ہمگام نیوز) اطلاعات کے مطابق مقبوضہ بلوچستان کے علاقے مستونگ میں قابض پاکستانی سی ٹی ڈی اور مسلح افراد کے درمیان ہونے والے جھڑپ میں 4 افراد ہلاک جبکہ قابض پاکستانی فوج کے 2 اہلکار زخمی ہوگئے ہیں۔
تفصیلات کے مطابق مستونگ کے علاقے دشت میں سی ٹی ڈی و احساس اداروں کے اہلکاروں اور مسلح افراد کے درمیان فائرنگ کے تبادلے میں 4 افراد ہلاک ہوگئے۔
قابض پاکستانی فوج نے اپنی جارحیت جاری کرتے ہوے دشت و گردونواح کے علاقوں کو اپنے گھیرے میں لے لیا ہے، اور مذکورہ علاقوں سے فائرنگ و دھماکوں کی آواز بھی سنی گئی ہے۔
سی ٹی ڈی کے مطابق 4 افراد کو ہلاک کردیا گیا ہے، جن کے ٹھکانے سے خود کش جیکٹیں، اسلحہ و دھماکہ خیز مواد برآمد ہوا ہے۔
تاہم ابھی تک ہلاک ہونے والے مسلح افراد کی شناخت نہ ہوسکی۔
