کوئٹہ(ہمگام نیوز)مقبوضہ بلوچستان کے علاقے پنجگور،چاغی اور دکی میں مختلف حادثات اورو اقعات میں 10سالہ بچے سمیت 3افراد جاں بحق جبکہ بچوں سمیت 6افراد زخمی ہوگئے ہیں۔
تفصیلات کے مطابق گزشتہ روز پنجگور کے علاقے گرمکان میں منظور احمد ولد شفیع محمد نے اپنے گھر میں خود پر گولی چلا کر زندگی کا خاتمہ کردیا
خاندانی ذرائع کے مطابق مذکورہ شخص کی ذہنی توازن ٹھیک نہیں تھا اس سے قبل بھی ایسی حرکت کرتے رہتے تھے اور نشے کا عادی تھا۔اسی طرح دالبندین کا علاقہ سوتگان میں ڈبل کیبن گاڑی الٹنے سے دس سالا بچہ جان بحق ہوگیا ذرائع کے مطابق دیہی علاقہ سوتگان میں گاڑی کو حادثہ پیش آیا جس کی سبب 10 سالا بچی شدید زخمی ہوگئے زخموں کے تاب نہ لاتے ہوئے چل بسی۔ دکی میں لیز روڈ کے قریب گھر کی دیوار گرنے سے ملبے تلے آکر دو سالہ بچی شدید زخمی ہوگئی۔ ہسپتال ذرائع کے مطابق بچی بی بی خاتمہ ولد شائستہ خان کو تشویشناک حالت میں سول ہسپتال دکی پہنچائی گئی۔جسے سول ہسپتال دکی میں ابتدائی طبی امداد کے بعد مزید علاج کیلئے کوئٹہ ریفر کردیا گیا۔دریں اثناء پنجگور کے علاقے بونستان میں فائرنگ سے مجید نامی شخص زخمی ہوئے ذرائع کے مطابق پنجگور کے علاقے نوکیا آباد دازی بونستان میں بھائی نے فائرنگ کرکے اپنے سگے بھائی کو زخمی کردیا مزید تفتیش پولیس کررہی ہے۔دوسری جانب زارت ہرنائی کراس کے قریب سنجاوی سے کوئٹہ آنے والے مسافر ویگن اور ٹرالر میں تصادم کے نتیجے میں ایک شخص جاں بحق جبکہ متعدد افراد زخمی ہوگئے ہیں لیویز کے مطابق جاں بحق شخص کی شناخت شربت خان کے نام سے ہوئی ہے علاوہ ازیں کچلاک بائی پاس پر ٹریفک حادثے میں دو افراد زخمی ہوگئے جنہیں ہسپتال منتقل کردیاگیاہے۔
