چہ دنتانانی کَلنڈ ءَ شیرکینی ءَ بِکش اَنت کہ ایران کُمک کنت بلوچ ءَ ۔ نبشتہ کار : ✍🏻سنگت اکبر

ایران بلوچ ءِ دوست بیتگ نہ بیت تاریخ گواہ اِنت تاں روچ مرچی بلوچ ءَ گار ءُ بیگوہ کنگ ءَ سر مہ سر اِنت ھزاراں بلوچ تیرانی نِشانگ کُرتگ پہ لُنکائے نان ءَ ھزاراں زانتکار بُرتگ وتی زنداناں بندی کُرتگ بلوچ ءَ را انچُش کُرتگ کہ دانگ ءِ گپ مہ جنت اگاں یک بلوچے ءَ گپے جَتگ آر ءَ بُرتگ چست کُرتگ ھچ کس سر پد نہ بیت کُجام زنداناں بند جیل کُرتگ۔
لھتیں مُلک گوں پاکستان ءَ ھمدست اَنت چہ مُلکاں یکے ایران اِنت درست رِپک ھُنر سر سوج کُمک کنوک اِنت پاکستان ءِ ایران پاکستان ھر دوکانی گند نیند مُدام جاری ساڑی اَنت پگر کن اَنت چون بلوچ ءِ گیش راہ ءُ دراں بند بہ کناں تاں بلوچ بیوس لاچار بہ بیت ۔
بلوچ جُھد کار مگرب ءَ شھید بوھگ ءَ اَنت چہ ھردو مُلکانی داشتگیں زری کرایہ کاتلانی دست ءَ ۔
بلوچ وتی زھن ءَ ایش گپ ءَ ایر بکن اَنت چہ دژمن ءَ لوٹ نہ بیت کہ دژمن من ءَ کُمک بہ کنت ۔
بلوچ ءِ گلام کنگ ءَ بھر کنگ ءَ پروشگ ءَ باریں ما پگر بکنیں کُجام مُلکانی دست ھور بیتگ او انگت بلوچ سرزمین ءِ آجوئی ءَ وش نہ بنت چینکس مُلک براھے راست پاکستان ءَ کُمک کن اَنت دگہ چینکس چیروکائی ءَ پاکستان ءَ ھمایت کن اَنت ۔
چارگ ءُ پگر کنگی اِنت کہ بلوچ ءِ کہ دوست اِنت کہ دژمن گڑا نوں تو وتی دوست دژمن ءَ زان ئے یک راھے درگیج ءِ چہ کُجام ملک ءَ ھمایت لوٹگی جار ءَ جَنگی اِنت چہ دژمن ھمایت لوٹگ منی سر پِر نہ بیت ھم کار نہ کنت۔
ایران ھچبر وش نہ بیت بلوچستان یک آجوئیں وتن ءِ بہ بیت بلوچستان ءِ آجوئی یے دارگ ءِ ھلاس کنگ ءِ پگر چہ پاکستان ءَ ایران ءَ را گیشتر ھست اِنت ایران سر پد اِنت کہ اگاں یک بلوچستانے آجو بہ بیت نوبت منی دست ءِ چیرے بلوچستان ءِ باریگ بیت ایران ءِ سیاست باز بالا اِنت پاکستان ءِ رھشونی کنوک اِنت بلوچ نسل ءِ گار کنوک اِنت ۔
چہ ایران پاکستان ءَ کُمک لوٹوک وتی دل ءَ ایش ھیال ءَ بِکش اَنت کُمک ءُ ھمایت ءِ ایش دوئیں مُلک یک اَنت ۔
گوں چمّاں بگنداں بلوچ ءَ گوں کُجام داب ءَ رپتار کنگ ءَ اَنت بلوچ ءَ پاھو دیگ ءَ اَنت گاربیگوہ کنگ اَنت وتی مُلک ءَ چہ در پہ در کنگ ءَ اَنت چہ وانگ ءَ زبھر کنگ بوھگ اِنت بلوچ بزگیں جاور ھالتاں سر کُتگ او انگت بلوچ ءَ گیش کبز ءَ گلام کنت چہ وتی ناسرپدیں بلوچ ءِ دست ءَ ۔
مئے ھمایت وتی جند ءِ بلوچ راج بہ بیت او ھما استان مُلک بہ بنت کہ آھانی تہ ءَ انسان دوستی ھست۔