کراچی،لیاری میں گھر میں گیس بھر جانے سے دھماکا، ایک شخص جاں بحق

لیاری (ہمگام نیوز) کراچی کے علاقے لیاری میں ماما ہوٹل کے قریب گھر میں گیس بھرنے سے دھماکے میں ایک شخص جاں بحق اور متعدد زخمی ہو گئے۔

تفصیلات کے مطابق ماما ہوٹل کے قریب گھر میں ہونے والے دھماکے میں خاتون اور بچوں سمیت 7 افراد زخمی ہوئے۔

پولیس کا کہنا ہے کہ تمام زخمیوں کو سول اسپتال کے برنس وارڈ منتقل کر دیا گیا ہے اور دھماکے کی وجوہات کا پتہ چلانے کے لیے تحقیقات کا آغاز کر دیا گیا ہے۔